Að lokinni auglýsingu er lögð fram að nýju tillaga umhverfis- og skipulagssviðs að breytingu á deiliskipulagi 1. áfanga Gufuness vegna endurskipulagningar á bílastæðum og Gufuness - Samgöngutenginga. Í breytingunni sem lögð er til fyrir 1. áfanga Gufuness felst að skipulagsmörk fyrir Jöfursbás færast til austurs og stækkar skipulagssvæðið um 1,4 ha, auk þess sem bílastæðum við Jöfursbás er fjölgað um samtals 61 stæði. Gert er ráð fyrir gönguleið að og meðfram bílastæðum, til samræmis við aðliggjandi deiliskipulag, samkvæmt uppdrætti Verkís, dags. dags. 7. desember 2023. Í breytingunni sem lögð er til fyrir Gufunes - Samgöngutengingar felst að skipulagsmörk fyrir Jöfursbás færast til austurs og minnkar skipulagssvæðið um 0,8 ha, samkvæmt uppdrætti Verkís, dags. 20. nóvember 2023. Tillagan var auglýst frá 11. janúar 2024 til og með 22. febrúar 2024. Eftirtaldir sendu ábendingu: Velferðarsvið, dags. 20. febrúar 2024.
Samþykkt með vísan til heimilda um embættisafgreiðslur skipulagsfulltrúa í viðauka við samþykkt um stjórn Reykjavíkurborgar, sbr. a. liður 2. gr. í viðauka 2.3 um embættisafgreiðslur skipulagsfulltrúa nr. 1224/2022.