Á embættisafgreiðslufundi skipulagsfulltrúa 4. maí 2018 var lögð fram fyrirspurn Myrru Leifsdóttur dags. 23. apríl 2018 um að sameina ris við íbúð á 2. hæð hússins á lóð nr. 18 við Hrísateig og stækka byggingareit lítillega til norðausturs 130 x 200 cm fyrir anddyri. Fyrirspurninni var vísað til umsagnar verkefnisstjóra og er nú lögð fram að nýju ásamt umsögn skipulagsfulltrúa dags. 11. maí 2018..
Svar
Með vísan til umsagnar skipulagsfulltrúa dags. 11. maí 2018 eru ekki gerðar athugasemdir við að umsækjandi láti vinna tillögu að breytingu á deiliskipulagi í samræmi við erindið, á eigin kostnað. Tillagan verður grenndarkynnt þegar hún berst.