Að lokinni grenndarkynningu er lögð fram að nýju umsókn Sveins Ívarssonar arkitekts f.h. Jóhannesar Þórs Guðbjartssonar, mótt. 25. apríl 2016, varðandi breytingu á deiliskipulagi Árbæjar - Seláss vegna lóðarinnar nr. 5 við Glæsibæ. Í breytingunni felst stækkun húss til austurs og stækkun bílskúrs þannig að hús og bílskúr verða sambyggð, samkvæmt uppdr. Sveins Ívarssonar arkitekts, dags. 10. janúar 2016. Tillagan var grenndarkynnt frá 15. ágúst til og með 12. september 2016. Engar athugasemdir bárust.