Að lokinni grenndarkynningu er lagt fram að nýju erindi frá afgreiðslufundi byggingarfulltrúa frá 26. janúar 2021 þar sem sótt er um leyfi til að stækka kjallara og gera svalir ofaná þaki hans á suðausturhorni einbýlishúss á lóð nr. 3 við Aragötu. Erindi var grenndarkynnt frá 15. febrúar 2021 til og með 15. mars 2021. Eftirtaldir sendu athugasemdir: Helgi Björnsson og Þóra Ellen Þórhallsdóttir dags. 14. mars 2021 og Ragnheiður Harðardóttir og Jón Scheving Thorsteinsson dags. 15. mars 2021. Erindinu var vísað til umsagnar hjá verkefnisstjóra á embættisafgreiðslufundi skipulagsfulltrúa 19. mars 2021 og er nú lagt fram að nýju.
Viðbygging: 28,2 ferm., 79,2 rúmm. Erindi fylgir bréf hönnuðar dags. 8. janúar 2021 og lögð fram umsögn skipulagsfulltrúa dags. 20. nóvember 2020. Gjald kr. 12.100