Skipulags- og byggingarráð samþykkir að skipaður verði starfshópur embættismanna af skipulags- og byggingarsviði, framkvæmdasviði, fjölskyldusviði og stjórnsýslusviði til að vinna að undirbúningi við deiliskipulag og uppbyggingu reitsins. Óskað er eftir tilnefningum frá þessum sviðum fyrir næsta fund skipulags- og byggingarráðs. Starfshópnum er ætlað að hafa samstarf við lóðarhafa að Strandgötu 9 (Súfistinn) vegna áforma um stækkun byggingar á þeirri lóð. Ennfremur er hópnum ætlað að hafa samstarf með Miðbæjarsamtökum verslunar- og þjónustuaðila.