Ályktun bæjarráðs vegna aðgerða Ísraelsmanna á Gazasvæðinu, tillaga

Vakta 1407242

Síðast tekið fyrir á fundi fyrir 9 árum síðan.

Bæjarráð nr. 3384

24. júlí, 2014

Annað

‹ 3

5 ›

Fyrirspurn

Lögð fram tillaga Samfylkingar og Vinstri grænna:
"Bæjarráð fordæmir aðgerðir Ísraelsstjórnar á Gazasvæðinu síðustu vikur og samþykkir að innkaupum sveitarfélagsins á vöru og þjónustu skuli hagað með tilliti til þess að sniðganga fyrirtæki og framleiðendur sem sýnt hefur verið fram á að hagnist á þeirri aðskilnaðarstefnu sem beitt er gagnvart palenstínsku þjóðinni. Bæjarráð samþykkir jafnframt að styrkja söfnun Rauða krossins vegna hjálparsstarfs palestínska Rauða hálfmánans á Gaza um eina milljón króna."

Svar

Tillagan var felld með þremur atkvæðum fulltrúa Sjálfstæðisflokks og Bjartrar framtíðar.

Bókun fulltrúa Sjálfstæðisflokks og Bjartrar framtíðar:
Meirihluti bæjarráðs fordæmir aðgerðir Ísraelsstjórnar á Gazasvæðinu síðustu vikur, sem bitnað hafa fyrst og fremst á óbreyttum borgurum á svæðinu. Meirihlutinn styður hvers konar aðgerðir íslenskra stjórnvalda og alþjóðasamfélagsins sem leitt geta til varanlegrar lausnar í deilu þessara tveggja þjóða. Það sé þó ekki hlutverk bæjarfélagsins að svo stöddu að beita viðskiptaþvingunum vegna þessara deilna ekki frekar en þegar önnur átök eiga sér stað í heiminum eða þegar mannréttindi eru brotin.