Bæjarstjórn Hafnarfjarðar lýsir yfir áhyggjum af afleiðingum af fyrirhuguðum skipulagsbreytingum í frumvarpi innanríkisráðherra sem nú er til meðferðar á Alþingi og gera ráð fyrir fækkun sýslumannsembætta. Í frumvarpinu er gert ráð fyrir því að fella eigi niður sýslumannsembættin í Reykjavík, Hafnarfirði og Kópavogi og stofn þess í stað eitt embætti sýslumannsins á höfuðborgarsvæðinu. Sýslumannsembættið í Kópavogi og Hafnarfirði er gjörólík sýslumannsembættinu í Reykjavík. Embættið í Kópavogi og Hafnarfirði fer með mun fleiri málaflokka og alla þjónustu sem þá varðar s.s. innheimtu opinberra gjalda, umboðsstörf fyrir Tryggingastofnun ríkisins og útgáfu ökuskírteina og vegabréfa. Í Reykjavík sinna þrjú embætti þessum málaflokkum sem öll eru staðsett í miðbæ Reykjavíkur. Bæjarstjórn Hafnarfjarðar kallar eftir samráði við sveitarfélögin höfuðborgarsvæðinu vegna fyrirhugaðra skipulagsbreytinga sem gera ráð fyrir fækkun sýslumannsembætta.