Lagðar fram eftirfarandi fyrirspurnir frá Valdimar Svavarssyni og Rósu Guðbjartsdóttur, fulltrúum Sjálfstæðisflokks í bæjarráði.
Bæjarráðsfulltrúar Sjálfstæðisflokksins óska eftir eftirfarandi: 1. Að lagður verði fram útreikningur á því hvaða áhrif breyttar forsendur í endurfjármögnun lána munu hafa á afkomu og veltufé bæjarins á næstu árum auk þess hvernig skuldaþol bæjarins breytist miðað við þessar forsendur. 2. Kostnaðargreiningu vegna nýs samnings við leikskólakennara og hvaða áhrif þeir samningar hafa á áætlanir bæjarins. 3. Að greint verði ítarlega frá stöðu endurfjármögnunnar bæjarins og lögð fram þau gögn sem liggja fyrir. 4. Að fá sundurliðun á þeim 14 milljörðum sem til stendur að endurfjármagna.