Á fundi bæjarstjórnar Hafnarfjarðar 17.12.10 var samþykkt að koma á sameiginlegum starfshópi frá skipulags- og byggingaráði og framkvæmdaráði auk staðardagskrárfulltrúa, sem haldi utan um vinnu hópsins, til að greina núverandi ástand hjólreiðastíga í Hafnarfirði og leggja fram mögulegar tillögur að bættum hjólasamgöngum og framkvæmdaáætlun til 5 ára. Starfshópurinn skili skýrslu til skipulags- og byggingaráðs og framkvæmdaráðs í apríl 2011. Lögð fram tillaga að erindisbréfi fyrir hópinn.