Tekið fyrir að nýju bréf frá húsfélaginu Reykjavíkurvegi 50, þar sem borin er fram kvörtun vegna gáma verslunarinnar Krínunnar, sem eru mjög til lýti og óþæginda fyrir íbúa hússins. Skipulags- og byggingarfulltrúi gerði 10.06.2009 eigendum gámanna skylt að ganga þannig frá þeim að ekki sé til lýti og óþæginda fyrir nágranna. Yrði ekki úr þessu bætt innan tveggja vikna mundi skipulags- og byggingarfulltrúi gera tillögu til skipulags- og byggingarráðs um beitingu dagsekta skv. 57. grein skipulags- og byggingarlaga nr. 37/1997. Skipulags- og byggingarfulltrúi vísaði málinu 01.07.2009 til skipulags- og byggingarráðs með eftirfarandi tillögu: "Skipulags- og byggingarráð gerir eigendum gámanna skylt að ganga þannig frá þeim að ekki sé til lýti og óþæginda fyrir nágranna. Verði ekki úr þessu bætt innan tveggja vikna mun skipulags- og byggingarráð gera tillögu til bæjarstjórnar um beitingu dagsekta skv. 57. grein skipulags- og byggingarlaga nr. 37/1997."