Skipulags- og byggingarráð tekur jákvætt í tillögu Garðabæjar. Ráðið bendir á að í tillögu að breytingu á bæjarmörkum Hafnarfjarðar og Garðabæjar kemur fram að land það sem kemur í hlut Hafnarfjarðar er tæpum 4500 fm minna en það land sem kemur í hlut Garðabæjar. Til að leiðrétta þennan mismun leggur Skipulags- og byggingarráð til að þess verði farið á leit við Garðabæ að fá Lækjarbotna sem hluta af lögsögu Hafnarfjarðar. Lækjarbotnar eru upptök Læksins í Hafnarfirði en Lækurinn er órjúfanlegur hluti af menningar- og náttúrufarssögu Hafnarfjarðar og því eðlilegt að Lækjarbotnar séu innan lögsögu bæjarins. Skipulags- og byggingarráð vísar erindinu ásamt framangreindri tillögu ráðsins til umsagnar framkvæmdaráðs, umhverfisnefndar/Staðardagskrár 21 og bæjarráðs.