5. liður úr fundargerð FJÖH frá 2.febr. sl. Lagt fram til kynningar yfirlit félagsþjónustu yfir fjárhagsaðstoð árin 2007-2010. Einnig lagðar fram tillögur málskotsnefndar um breytingar á reglum um fjárhagsaðstoð. Fjölskylduráð samþykkir að leggja til við bæjarstjórn: "Bæjarstjórn Hafnarfjarðar samþykkir framlagðar breytingar á reglum um fjárhagsaðstoð. Reglurnar, svo breyttar, taka gildi 1. mars nk." Bókun fjölskylduráðs: Með heildarendurskoðun á reglum um fjárhagsaðstoð Hafnarfjarðarbæjar er leitast við að aðlaga þær þeim aðstæðum sem nú eru í íslensku samfélagi. Í enduskoðuðum reglum er grunnfjárhæð fjárhagsaðstoðar hækkuð töluvert umfram verðlagsþróun, eða um 7,5% frá fyrra ári. Að sama skapi er framkvæmd reglna um fjárhagsaðstoð til þeirra sem búa í foreldrahúsum eða hjá öðrum endurskoðuð og verður fjárhagsaðstoð við þann hóp miðuð við hálfa grunnfjárhæð eða krónur 67.500. Grunnupphæð fjárhagsaðstoðar hjóna verður krónur 243.000 samkvæmt tillögu fjölskylduráðs.