Borist hafa ábendingar frá húsfélaginu Brekkuási 5 - 7, þar sem gerðar eru athugasemdir við frágang húss og lóðar. Athugun skoðunarmanns skipulags- og byggingarsviðs staðfestir ýmsar ábendinganna. Flutt var inn í húsið áður en lokaúttekt/öryggisúttekt fór fram, sem er brot á lögum um mannvirki nr. 160/2010. Lokaúttekt fór fram 26.04.2013, en lauk ekki þar sem athugasemdir voru gerðar. Byggingarstjóra var gert skylt að bæta úr þeim og boða til endurtekinnar lokaúttektar innan 4 vikna. Ekki hefur verið brugðist við erindinu.