Gísli Ó. Valdimarsson tók til máls. Þá Guðrún Ágústa Guðmundsdóttir. Gísli Ó. Valdimarsson kom að andsvari. Guðrún Ágústa Guðmundsdóttir svaraði andsvari. Bæjarstjórn Hafnarfjarðar samþykkti framlagða með 10 atkvæðum. 1 fulltrúi greiddi atkvæði gegn tillögunni og lagði fram svohljóðandi bókun: "Bæjarfulltrúi Vinstri grænna greiðir atkvæði á móti því að samþykkja breytingu á deiliskipulagi íþróttasvæðis Hauka að Ásvöllum vegna þess að með breytingunni dregur úr öryggi gangandi og hjólandi vegfarenda á svæðinu. Auk þess er óeðlilegt að breyta lóð, sem upphaflega var úthlutað fyrir íþróttastarfsemi, í lóð fyrir bensínstöð. Með því að samþykkja þessa breytingu á deiliskipulagi er skapað enn frekara fordæmi en þegar hefur verið gert upp við íþróttasvæðið Kaplakrika. Ef þessi breyting verður samþykkt má því búast við samskonar óskum um deiliskipulagsbreytingar frá öðrum íþróttafélögum. Eðlilegra hefði verið að leita að svæði í nálægð Ásvalla, í samvinnu við félagið, sem ekki tilheyrir íþróttasvæðinu og dregur ekki úr öryggi gangandi og hjólandi vegfarenda um svæðið." Guðrún Ágústa Guðmundsdóttir (sign)