Gísli Ó. Valdimarsson tók til máls. Þá Guðrún Ágústa Guðmundsdóttir. Gísli Ó. Valdimarsson kom að andsvari. Þá tók Almar Grímsson til máls, síðan Guðrún Ágústa Guðmundsdóttir. Bæjarstjórn samþykkti tillög skipulags- og byggingarráðs undir þessum lið samhljóða með 11 atkv. Guðrún Ágústa Guðmundsóttir kom að svohljóðandi bókun: Við Vinstri græn teljum mikilvægt að rannsóknarboranir eins og hér um ræðir fari í umhverfismat og fluttum tillögu þess efnis strax í september 2007. Með umhverfismati gefst almenningi og öðrum hagsmunaaðilum tækifæri á að koma sínum sjónarmiðum á framfæri auk þess sem umhverfismat á að tryggja að tekið sé tillit til sjónarmiða um umhverfisvernd og sjálfbæra þróun við áætlanagerð. Þar sem mikilvæg jarðhitasvæði eru í landi Hafnarfjarðar er einnig nauðsynlegt að Hafnarfjarðarbær kalli eftir viðhorfum bæjarbúa og marki sér stefnu um það með hvaða hætti á að nýta á Krýsuvíkursvæðið, stefnu sem samræmist sjónarmiðum umhverfisverndar og sjálfbærrar þróunar. Undirrituð greiðir því atkvæði með því að lögð sé fram fyrirspurn til Skipulagsstofnunar um matsskyldu vegna rannsóknarborunar Hitaveitu Suðurnesja,HS Orku. Með samþykki þessu er undirrituð eingöngu að fallast á fyrirspurn um matsskyldu rannsóknarboranana og mun taka frekari afstöðu til framhalds málsins þegar niðurstöður þeirrar fyrirspurnar liggur fyrir. Guðrún Ágústa Guðmundsdóttir (sign)