Lögð fram skipulagslýsing umhverfis- og skipulagssviðs, skipulagsfulltrúa, dags. í september 2026, vegna gerðar nýs deiliskipulags fyrir Lágmúla 2. Skipulagssvæðið liggur að Kringlumýrarbraut til vesturs, Suðurlandsbraut til norðurs og Lágmúla til austurs. Til suðurs liggja mörk nýs deiliskipulags að lóðamörkum Lágmúla 2A (borhola í eigu Veitna) og Lágmúla 4, sem og að borgarlandi til suðvesturs af lóð. Viðfangsefni deiliskipulagsins er að ákvarða byggingareiti á lóð og útlista nánar skilyrði og skilmála uppbyggingar. Einnig er lagt fram samgöngumat VSÓ ráðgjafar, dags. í september 2026.