Að lokinn i auglýsingu er lögð fram að nýju umsókn Simon Joscha Flender, dags. 12. júlí 2024, um breytingu á deiliskipulagi Kvosarinnar, vegna lóðarinnar nr. 15 við Tryggvagötu. Í breytingunni sem lögð er til felst að gera innri og ytri breytingar á Grófarhúsi samkvæmt vinningstillögu hönnunarsamkeppna sem haldin var árið 2022. Helstu breytingar eru breytt útlit á veggflötum hússins sem verður meira í anda upprunalegs útlits, niðurrif hæða innanhúss þar sem opnað verður milli hæða, breytt þakform með tveimur glerjuðum þakhæðum í stað núverandi þakhæðar og hækkun á hæðarkóta þaks sem nemur um hálfum metra, með frávikum vegna frágangs á þakplötu og tæknirýmum. Gert er ráð fyrir framtíðartengingu við starfsemi Listasafns Reykjavíkur við Tryggvagötu 17 með að hámarki tveimur göngubrúm. Gert er ráð fyrir fjölgun aðkomuleiða og innganga að húsinu. Staðsetning núverandi aðalinngangs helst óbreyttur. Heimilt verður að bæta við inngöngum á Tryggvatorgi og við Geirsgötu. Hjólastæði eiga að vera nálægt inngöngum bókasafnsins. Útfærsla hjólastæða skal vera í samræmi við reglur Reykjavíkurborgar um fjölda bíla- og hjólastæða. Koma skal fyrir 1 hjólastæði pr. 100 fermetra brúttóflatarmál. Helmingur hjólastæða skal vera yfirbyggður og 20% hjólastæða skal vera í læstu rými. Við staðsetningu og hönnun hjólastæða norðan við Grófarhús skal sérstaklega gæta að gegnumflæði og aðkomu ökutækja að Tryggvagötu nr. 11 og 13. Við deiliskipulagsgerð borgarlands næst Grófarhúsi mun hjólastæðum fjölga í 2 hjólastæði pr. 100 fermetra brúttóflatarmál, samkvæmt deiliskipulags- og skuggavarpsuppdr. JVST, dags. 5. september 2024. Tillagan var auglýst frá 3. október 2024 til og með 14. nóvember 2024. Engar athugasemdir bárust.
Samþykkt með vísan til heimilda um embættisafgreiðslur skipulagsfulltrúa sbr. viðauka um embættisafgreiðslur skipulagsfulltrúa við samþykkt um stjórn Reykjavíkurborgar.