Á embættisafgreiðslufundi skipulagsfulltrúa 21. desember 2023 var lagt fram erindi frá afgreiðslufundi byggingarfulltrúa frá 19. desember 2023 þar sem sótt er um leyfi til þess að stækka veitingarstað í flokki ll tegund ? fyrir alls 200 gesti með því að breyta í veitingasal skrifstofu í austurenda efri hæðar, koma fyrir vatnsúðakerfi í hluta byggingar og glugga og nýjum flóttastiga á norðurhlið veitinga- og verslunarhúss á lóð nr. 1-3 við Hafnarstræti. Einnig er lögð fram umsögn Minjastofnunar Íslands, dags. 19. september 2023. Erindinu var vísað til umsagnar verkefnastjóra og er nú lagt fram að nýju.
Ekki er gerð skipulagsleg athugasemd við erindið, enda hafa breytingar fengið jákvæða umsögn frá Minjastofnun Íslands. Samþykki meðlóðarhafa þarf fyrir breytingunum.