Kynnt er minniháttar breyting á deiliskipulagi fyrir Fossvogsbrú Reykjavíkurmegin. Í gildandi deiliskipulagi er leiðbeinandi lega göngu- og hjólastíga, áningarstaða og biðstöðva fyrir almenningsvagna sýnd á uppdrætti. Í tillögu að breytingu eru stígar, áningarstaðir og biðstöðvar uppfærðar í samræmi við þá hönnun sem liggur fyrir. Deiliskipulagsmörk breytast til að rúma að fullu landfyllingar við brúarendana og frágang á grjótgarði innan deiliskipulagsins. Breytingar Kópavogsmegin eru aðeins umfangsmeiri en Reykjavíkurmegin og þess vegna leiðir Kópavogur vinnuna við deiliskipulagsbreytinguna. Fyrirtækið Alta er ráðgjafinn sem vinnur deiliskipulagsbreytinguna.
Vísað til meðferðar verkefnastjóra.