Að lokinni auglýsingu er lögð fram að nýju umsókn Arkís arkitekta ehf. f.h. Korputorgs ehf. dags. 26. apríl 2018 ásamt bréfi dags. 26. apríl 2018 varðandi breytingu á deiliskipulagi fyrir lóðina nr. 2-8 við Blikastaðaveg. Í breytingunni felst að auka byggingarmagn á lóðinni, stækka byggingarreiti, færa þá til og breyta stærðarsamsetningu þeirra, leyfa byggingarmagni að færast milli byggingarreita ásamt því að hluti ytri byggingarreits er skilgreindur sem byggingarreitur, samkvæmt uppdr. Arkís arkitekta ehf. dags. 26. apríl 2018. Tillagan var auglýst frá 30. maí 2018 til og með 11. júlí 2018. Engar athugasemdir bárust.