Á embættisafgreiðslufundi skipulagsfulltrúa 1. júní 2018 var lögð fram umsókn Vegagerðarinnar dags. 4. maí 2018 ásamt bréfi dags. 2. maí 2018 um framkvæmdaleyfi sem felst í að gera hringtorg á Vesturlandsvegi við Esjumela auk allra vegna- og stígagerðar sem nauðsynlegt er til að ljúka gerð vegaframkvæmdanna endanlega. Til framkvæmdanna teljast einnig undirgöng undir Vesturlandsveg, strætóbiðstöðvar við Vesturlandsveg, gerð Víðinesvegar á um 600 m kafla og gerð Norðurgrafarvegar að Lækjarmel/Esjumel o.fl., samkvæmt uppdr. EFLU dags. 2. maí 2018. Einnig er lagt fram yfirlit ódags. Erindinu var vísað til umsagnar verkefnisstjóra og er nú lagt fram að nýju ásamt umsögn skipulagsfulltrúa dags. 13. júlí 2018.