Á fundi skipulagsfulltrúa 3. júní 2016 var lögð fram fyrirspurn Haralds Ingvarssonar f.h. Eclipse fjárfestingar slhf., mótt. 17. maí 2016, um að hækka lyftustokk í húsinu á lóð nr. 61 við Hverfisgötu og gera íbúðir í risi hússins sem gengið er inn beint af lyftugangi, samkvæmt uppdr. Plúsarkitekta, dags. 18. desember 2015. Einnig er lögð fram greinargerð Plúsarkitekta ehf. , dags. 17. maí 2016. Fyrirspurninni var vísað til umsagnar hjá verkefnisstjóra og er nú lögð fram að nýju ásamt umsögn skipulagsfulltrúa, dags. 24. júní 2016.