Á embættisafgreiðslufundi skipulagsfulltrúa 10. september 2021 var lagt fram erindi frá afgreiðslufundi byggingarfulltrúa frá 7. september 2021 þar sem sótt er um leyfi til þess að breyta erindi BN055882 sem felst í að breyta núverandi starfsemi á 1. hæð í Mathöll í húsi á lóð nr. 5 við Pósthússtræti, með alls 12 rekstrareiningar í flokki ll, tegund C, og rúma samtals 161 sæti á 1. hæð og 28-50 í kjallara, endurbyggja skúr og bæta við glerbyggingu á baklóð sem verða hluti Mathallar í húsi á lóð nr. 5 við Pósthússtræti á lóð nr. 3 við Pósthússtræti. Afgreiðist samhliða erindi BN058645. Erindinu var vísað til umsagnar verkefnisstjóra og er nú lagt fram að nýju ásamt umsögn skipulagsfulltrúa dags. 15. september 2021.
Stækkun: 150.5 ferm., 153.9 rúmm. Erindi fylgir umsögn Minjastofnunar dags. 17. febrúar 2021 og yfirlit breytinga á A3 afriti af teikningum samþykktum 26. mars 2019. Gjald kr. 11.200