Á embættisafgreiðslufundi skipulagsfulltrúa 5. apríl 2019 var lögð fram fyrirspurn Jóns Hrafns Hlöðverssonar dags. 20. mars 2019 ásamt greinargerð dags. 19. mars 2019 um breytingu á deiliskipulagi Úlfarsárdals vegna lóðanna nr. 14, 16 og 18 við Gefjunarbrunn sem felst í að sameina lóðirnar í eina raðhúsalóð. Byggingarmagn verði óbreytt og heimild verði gefin fyrir auka íbúð og húsin verði á tveimur hæðum með innbyggðum bílskúr, samkvæmt uppdr. Mansard teiknistofu ehf. dags. 13. mars 2019. Fyrirspurninni var vísað til umsagnar verkefnisstjóra og er nú lögð fram að nýju ásamt umsögn skipulagsfulltrúa dags. 12. apríl 2019.