Á embættisafgreiðslufundi skipulagsfulltrúa 21. september 2018 var lagt fram erindi frá afgreiðslufundi byggingarfulltrúa frá 18. september 2018 þar sem sótt er um leyfi til þess að breyta innra skipulagi á efri hæð og í kjallara, bæta við hurð og glugga á austurhlið kjallara og innrétta gluggalaus rými í sökkli parhúss nr. 42 á lóðinni nr. 40-42 við Lofnarbrunn. Erindinu var vísað til umsagnar verkefnisstjóra og er nú lagt fram að nýju ásamt umsögn skipulagsfulltrúa dags. 19. október 2018.
Tillaga að breytingu á deiliskipulagi sem samþykkt var í borgarráði þann 10. maí 2007 fylgir erindinu ásamt samþykki eiganda Lofnarbrunns 40 áritað á uppdrátt. Stækkun: 22,9 ferm., 126 rúmm. Gjald kr. 9.500