Lagt er til við bæjarstjórn að samþykkt verði að hafa laun bæjarfulltrúa og nefndarmanna óbreytt út kjörtímabilið 2022-2026, þannig að vísitölutenging viðmiðunarfjárhæðar 1. gr. reglnanna um launakjör og starfsaðstöðu bæjarfulltrúa og nefndarmanna verði afnumin. Lagt er til að eftir sveitarstjórnarkosningar sem fram fara 16. maí 2026, verði viðmiðunarfjárhæð þingfararkaup eins og það er hverju sinni. Ekki eru lagðar til aðrar breytingar á reglunum. Lagt er til að bæjarstjórn samþykki framlagðar tillögur að breytingum á reglum um launakjör og starfsaðstöðu bæjarfulltrúa og nefndarmanna hjá Sveitarfélaginu Árborg.