Bókanir og gagnbókanir

• Sjálfstæðisflokkur
  Eðlilegt hefði verið að halda íbúafund um skipulagið þar sem fjölmargar athugasemdir bárust á fyrri stigum í skipulagsferlinu. Með því að funda með íbúum og fara yfir endanlega tillögu og rýna hvort eitthvað mætti betur fara gæti það skapað almennari sátt um skipulagið.
• Flokkur fólksins
  Bókun Flokks fólksins við afgreiðslu tillögu um samráðsfund vegna skipulagshugmynda við Arnarbakka. Samráð var vissulega viðhaft um breytingar við Arnarbakka  og tekið tillit til athugasemda. Gagnrýna má að forkynningar hafi ekki verið nægilega vel kynntar og því fáar  athugasemdir borist.  Til þess að samráðsferli geti kallast samráðsferli verða upplýsingar um að boðið sé til samráðs að skila sér til íbúa. Það virðist hafa mistekist í þessu tilfelli.