Svar

Áheyrnarfulltrúi Miðflokksins bókar: Fulltrúi Miðflokksins er löngu hættur að furða sig á framgöngu meirihluta borgarstjórnar í þessum málaflokki. Spurningum í könnunum þeim sem hér eru kynntar eru ekki til þess fallnar að fá fram hug borgarbúa til þess er málið raunverulega varðar sem er: Varanleg lokun Laugavegs allt frá Hlemmi til enda og Skólavörðustígs allt frá Bergstaðastræti til enda, fyrir bílum, allt árið um kring í öllum veðrum og vindum. Á fyrri árum hefur spurningin verið: Ertu jákvæður eða neikvæður gagnvart göngugötum í miðborginni yfir sumartímann?Í ár er spurningin: ,,Ertu jákvæður eða neikvæður gagnvart göngugötum í miðborginni?“ Hvers vegna? Jú, meirihlutinn ákvað spurninguna.