Bókanir og gagnbókanir

• Fulltrúar Sjálfstæðisflokksins leggur fram svohljóðandi bókun:
  Borgarfulltrúarnir fagna jákvæðri umsögn umhverfis- og skipulagssviðs um ályktunartillögu Sjálfstæðisflokks vegna áfengisverslunar. Aukið frelsi í smásöluverslun með áfengi myndi styðja við hverfisverslun og efla nærþjónustu í hverfum Reykjavíkur. Slík þróun myndi jafnframt styðja við markmið aðalskipulags Reykjavíkur um sjálfbær hverfi en verslun með áfengi í hverfisverslunum myndi gera umhverfi daglegrar verslunar hverfisvæddara, með sjálfbærum og umhverfisvænum hætti.
• Samfylkingin, Viðreisn, Píratar
  Tekið er undir þá umsögn sviðsins að efni tillögunnar samrýmist áherslum aðalskipulags. Mikilvægt er að allar ákvarðanir sem teknar eru á öllum stjórnsýslustigum styðji við bíllausan lífstíl og þróun byggðar í átt að sjálfbærni. Þar er þétting byggðar og nærþjónusta lykilatriði og því skiptir máli að ríki og sveitarfélög séu samstíga um að íbúar þessa lands hafi verslun og þjónustu í sínu nærumhverfi.