Lögð fram tillaga fulltrúa Sjálfstæðisflokksins þar sem óskað er eftir að Reykjavíkurborg hefji viðræður við Vegagerðina um það að bæta öryggi gangandi og hjólandi vegfarenda í Reykjavík.  Tillögunni vísað frá með fjórum atkvæðum Fulltrúa Pírata Sigurborgar Óskar  Haraldsdóttur, fulltrúum Samfylkingarinnar Kristínar Soffíu Jónsdóttur og Hjálmars Sveinssonar og fulltrúa Viðreisnar Gunnlaugs Braga Björnssonar. Fulltrúar Sjálfstæðisflokksins Eyþór Laxdal Arnalds, Valgerður Sigurðardóttir og Ólafur Kr. Guðmundsson sitja hjá við afgreiðslu málsins og bóka:  „Fulltrúar Sjálfstæðisflokks í skipulags- og samgönguráði harma það að tillaga þess efnis að Reykjavíkurborg hefji viðræður við Vegagerðina um það að bæta öryggi gangandi og hjólandi vegfarenda í Reykjavík sé vísað frá. Fulltrúarnir gera sér grein fyrir því að Reykjavíkurborg á í góðum samskiptum við Vegagerðina, þeir telja þó að gott væri að hefja formlegt og heildstætt ferli vegna öryggis gangandi og hjólandi í Reykjavík við Vegagerðina.“