Á embættisafgreiðslufundi skipulagsfulltrúa 30. september 2016 var lögð fram fyrirspurn THG arkitekta ehf. , mótt. 13. september 2016, varðandi breytingu á deiliskipulagi Séttuvegar lóðar Hrafnistu sem felst í aukningu byggingarmagns, fjölgun íbúða og breytingu á hæðum húsa, byggingarreitum og bílastæðafjölda. Einnig er lögð fram greinargerð THG arkitekta ehf. , dags. 9. september 2016 og greinargerð Sigurðar Garðarssonar f.h. Sjómannadagsráðs höfuðborgarsvæðisins, dags. 12. september 2016. Fyrirspurninni var vísað til umsagnar verkefnisstjóra og er nú lögð fram að nýju ásamt umsögn skipulagsfulltrúa, dags. 7. október 2016.