Á embættisafgreiðslufundi skipulagsfulltrúa 24. febrúar 2017 var lögð fram fyrirspurn Ingunnar Helgu Hafstað, mótt. 13. febrúar 2017, um að stækka verslunarhúsnæði í austurhluta 1. hæðar hússins á lóð nr. 22B við Skólavörðustíg með því að breyta íbúð á 1. hæð hússins að hluta verslunarinnar og tengja bakhúsið á lóðinni við 1. hæð hússins þannig að bakhúsið verði einnig hluti af versluninni. Einnig er lagt fram bréf Ingunnar Helgu Hafstað, dags. 13. febrúar 2017. Fyrirspurninni var vísað til umsagnar verkefnisstjóra og er nú lögð fram að nýju ásamt umsögn skipulagsfulltrúa, dags. 3. mars 2017.