Lögð fram tillaga umhverfis- og skipulagssviðs, skipulagsfulltrúa, að breytingu á deiliskipulagi á tívolílóð norðan Fossagötu. Í breytingunni felst að bílastæðum við Fossagötu 9-15 verði fjölgað um tvö frá gildandi deiliskipulagi en fækkað um tvö frá gildandi mæliblaði. Bílastæði verði því 6 talsins við Fossagötu 15. Í botnlanga Fossagötu 1-7 er lagt til að fjöldi bílastæða verði óbreyttur frá gildandi mæliblaði, 7 bílastæði, samkvæmt uppdr. umhverfis- og skipulagssviðs dags. 25. júní 2015.