Á embættisafgreiðslufundi skipulagsfulltrúa 3. mars 2017 var lögð fram fyrirspurn Bjargs íbúðafélags hses., mótt. 23. janúar 2017, varðandi breytingu á deiliskipulagi Spangarinnar einingu G vegna lóðanna nr. 3-5 við Spöngina og 2 og 4 við Móaveg sem felst í fjölgun íbúða í allt að 160 stk., samkvæmt tillögu Yrki arkitekta ehf. , dags. 8. nóvember 2016, og fækkun bílastæða í kjallara og koma fyrir fleiri bílastæðum ofanjarðar. Fyrirspurninni var vísað til meðferðar hjá verkefnisstjóra og er nú lögð fram að nýju ásamt umsögn skipulagsfulltrúa dags. 23. júní 2017.