Á fundi skipulagsfulltrúa 1. nóvember 2013 var lagt fram bréf skrifstofu eigna og atvinnuþróunar dags. 30. október 2013 ásamt drögum að samkomulagi Reykjavíkurborgar og Háskóla Íslands dags. 30. október 2013 um afmörkun landspilda/byggingarreita, lóðarmörk og nýtingu lóða sem Háskóli Íslands hefur til umráða úr borgarlandi Reykjavíkur á háskólasvæði austan og vestan Suðurgötu, í Vatnsmýri og við Skildinganeshóla. Samningsdrögin eru send embættinu til umsagnar. Erindinu var vísað til meðferðar hjá verkefnisstjóra og er nú lagt fram að nýju. Ennig lögð fram umsögn skipulagsfulltrúa dags. 22. nóvember 2013.