Á embættisafgreiðslufundi skipulagsfulltrúa 10. desember 2021 var lögð fram umsókn Hnits verkfræðistofu hf. dags. 18. nóvember 2021 um framkvæmdaleyfi fyrir gerð prufuhola við enda flugbrautar á Reykjavíkurflugvelli við Fossvog vegna jarðvegsrannsókna í tengslum við Borgarlínuna. Einnig er lögð fram greinargerð dags. 5. nóvember 2021, mynd sem sýnir afstöðu prufuhola og tillaga sem sýnir fyrirhugaða merkingu vinnusvæða dags. í maí 2021. Erindinu var vísað til umsagnar verkefnisstjóra og er nú lagt fram að nýju ásamt tölvupóstum dags. 7. janúar 2022.