Að lokinni grenndarkynningu er lögð fram að nýju umsókn Ragnars Auðuns Birgissonar mótt. 27. maí 2015 varðandi breytingu á skilmálum deiliskipulags Suðurlandsbrautar, Hallamúla, Ármúla og Vegmúla vegna lóðarinnar nr. 9 við Ármúla. Í breytingunni felst að heimilt er að lyftu- og tæknirými standi upp úr núverandi mænishæð húsa eins og búnaður og öryggissjónarmið krefjast, samkvæmt tillögu THG Arkitekta ehf. dags. 4. júní 2015. Tillagan var grenndarkynnt frá 11. júní til 9. júlí. Samþykki hagsmunaaðila barst fyrir lok kynningar og er erindi því lagt fram að að nýju til afgreiðslu.