Á fundi skipulagsfulltrúa 28. nóvember 2014 var lagt fram erindi frá afgreiðslufundi byggingarfulltrúa frá 25. nóvember 2014 þar sem spurt er hvort leyft yrði að innrétta verslunarmiðstöð, að lækka stétt á norðvestur horni byggingar til að koma fyrir nýjum inngangi, hvort greiða þurfi fyrir bílastæði og hvort samþykki meðlóðarhafa þurfi vegna þessara breytinga á og í húsi á lóð nr. 1 við Hallveigastíg. Erindinu var vísað til umsagnar verkefnisstjóra og er nú lagt fram að nýju ásamt umsögn skipulagsfulltrúa dags. 12. desember 2014.