Að lokinni kynningu er lögð fram að nýju verklýsing umhverfis- og skipulagssviðs, dags. janúar 2017, vegna breytinga á aðalskipulagi Reykjavíkur 2010-2030 sem felst í að reiðstígur er aflagður milli Sprengisands og stíflu í Elliðaárdal og nýr hjólastígur kemur í stað reiðstígsins. Kynning stóð til og með 17. febrúar 2017. Einnig er lögð fram umsögn Skipulagsstofnunar, dags. 8. febrúar 2017 og umsögn samtaka sveitarfélaga á höfuðborgarsvæðinu, dags. 16. febrúar 2017. Einnig barst umsögn/athugasemd Hestamannafélagsins Fáks, dags. 24. febrúar 2017.