Að lokinni grenndarkynningu er lögð fram að nýju umsókn Urban arkitekta ehf. , mótt. 31. maí 2017, varðandi breytingu á deiliskipulagi reits 1.172.0, Brynjureits, vegna lóðanna nr. 40 við Hverfisgötu og 25A við Laugaveg. Í breytingunni felst sameining lóða, breyting á byggingarreit og breyting á skilmálum varðandi bílastæði og bílastæðakröfur, samkvæmt uppdr. Ark Studio og Urban arkitekta ehf. , dags. 29.maí 2017. Einnig er lagt fram bréf Urban arkitekta ehf. , dags. 31. maí 2017. Tillagan var grenndarkynnt frá 6. júlí 2017 til og með 3. ágúst 2017. Engar athugasemdir bárust.