Lagt fram erindi frá afgreiðslufundi byggingarfulltrúa frá 15. ágúst 2017 þar sem sótt er um leyfi til að byggja þriggja hæða viðbyggingu sem skagar út yfir neðanjarðar geymslurými í kjallara sunnan megin á lóð, fimm hæða tengibyggingu við núverandi byggingu ásamt því að stækka inndregna fimmtu hæð, útbúa nýjan inngang á norðurhlið jarðhæðar og byggja tveggja metra breitt skyggni á verslunar- og skrifstofuhús á lóð nr. 4 við Lyngháls. Einnig er lögð fram umsögn skipulagsfulltrúa dags. 18. ágúst 2017.
Umsögn burðarvirkishönnuðar dags. 13. júní 2017 fylgir erindi, einnig útskrift úr gerðabók embættisafgreiðslufundar skipulagsfulltrúa frá 14. júlí 2017. Stækkun: A rými 2.167,1 ferm. 8.986,6 rúmm. Gjald kr. 11.000