Að lokinni auglýsingu er lögð fram að nýju tillaga umhverfis- og skipulagssviðs, skipulagsfulltrúa dags. 26. janúar 2015 varðandi breytingu á skilmálum deiliskipulags Kvosarinnar. Í tillögunni felst breyting á skilmálum vegna gistiþjónustu á deiliskiplagssvæðinu. Einnig er lögð fram greinargerð dags. 26. janúar 2015. Tillagan var auglýst frá 16. febrúar til og með 30. mars 2015. Eftirtaldir aðilar sendu athugasemdir: Guðmundur Jónsson f.h. eigenda Fálkahússins dags. 26. mars 2015. Tillögunni var vísað til umsagnar verkefnisstjóra á fundi skipulagsfulltrúa 10. apríl 2015 og er nú lögð fram að nýju.