Á embættisafgreiðslufundi skipulagsfulltrúa 18. febrúar 2022 var lagt fram erindi frá afgreiðslufundi byggingarfulltrúa frá 15. febrúar 2022 þar sem sótt er um leyfi fyrir áður gerðum breytingum á þakkanti, gluggum, færslu léttra veggja, breytingar á innra skipulagi, fjölgun baðherbergja og þvottarýma, gerð kaffistofu, komið fyrir þakglugga á norður og suðurhlið, breyting á stiga milli 1. hæðar og rishæðar og útkrögun við glugga fjarlægð, jafnframt er sótt um að byggja svalir og tröppur niður í garð út úr stofu jarðhæðar og tvöfaldri svalahurð á suðurhlið húss á lóð nr. 29 við Rafstöðvarveg. Erindinu var vísað til umsagnar verkefnisstjóra og er nú lagt fram að nýju ásamt umsögn skipulagsfulltrúa dags. 25. febrúar 2022.