Að lokinni grenndarkynningu er lagt fram að nýju erindi frá afgreiðslufundi byggingarfulltrúa frá 19. júní 2018 þar sem sótt er um leyfi til að endurnýja eldri viðbyggingu úr steinsteypu í stað timburs og stækka þaksvalir ofaná viðbyggingu við fjölbýlishús á lóð nr. 18 við Hörgshlíð. Erindi var grenndarkynnt frá 20. júlí 2018 til og með 17. ágúst 2018. Engar athugasemdir bárust.
Útskrift úr gerðabók embættisafgreiðslufundar skipulagsfulltrúa frá 11. maí 2018 fylgir erindinu, ásamt umsögn skipulagsfulltrúa dags. 11. maí 2018.
Einnig fylgir samþykki meðeigenda dags. 26. mars 2018 áritað á uppdrátt. Gjald kr. 11.000