Að lokinni kynningu er lögð fram tillaga á vinnslustigi að nýju deiliskipulagi ásamt greinargerð dags. 30. apríl 2018 vegna lagningu brúar yfir Fossvog. Tillagan gerir ráð fyrir lagningu vegar fyrir almenningssamgöngur, hjólastígs og göngustígs, sem tengir saman Reykjavík og Kópavog yfir Fossvog. Tillagan gerir einnig ráð fyrir landfyllingu undir sitthvorum brúar-endanum. Einnig lagt fram minnisblað EFLU dags. 26. apríl 2018. Kynning stóð til og með 20. júní 2018. Eftirtaldir aðilar sendu umsagnir/athugasemdir/ábendingar: Slökkvilið höfuðborgarsvæðisins dags. 11. júní 2018, Heilbrigðiseftirlit Reykjavíkur dags. 12. júní 2018, Vegagerðin dags. 14. júní 2018, Landssamtök hjólreiðamanna dags. 20. júní 2018, Minjastofnun Íslands dags. 20. júní 2018 og Skipulagsstofnun dags. 18. júní 2018, Isavia dags. 20. júní 2018 og Umhverfisstofnun dags. 4. júlí 2018. Erindinu var vísað til umsagnar verkefnisstjóra á embættisafgreiðslufundi skipulagsfulltrúa 22. júní 2018 og er nú lagt fram að nýju.