Sótt er um leyfi til að endurnýja gamalt leyfi sem samþykkt var 13. júlí 1995 þar sem farið var í að byggja tvöfaldan bílskúr úr steinsteypu og hætt var að byggja austur helming skúrsins og nú er farið fram á að halda áfram með verkið og byggja ofan á plötu sem er til staðar á lóð nr. 7 við Úthlíð. Stækkun bílageymslu 0102: 29,8 ferm., 80,1 rúmm.
Útskrift úr gerðabók embættisafgreiðslufundar skipulagsfulltrúa frá 4. mars 2016 fylgir erindinu, ásamt umsögn skipulagsfulltrúa dags. 3. mars 2016. Vakin er athygli á að erindið fellur undir lið 7.6 í gjaldskrá vegna kostnaðar við skipulagsvinnu og útgáfu framkvæmdaleyfis í Reykjavíkurborg nr. 111/2014.
Útskrift úr gerðabók embættisafgreiðslufundar skipulagsfulltrúa frá 27. maí 2016 fylgir erindinu. Erindi var grenndarkynnt frá 25. apríl til og með 23. maí 2016. Engar athugasemdir bárust.
Erindi fylgir samþykki sumra lóðarhafa aðliggjandi lóða dags. 1. mars 2016
Gjald kr. 10.100