Almar Grímsson bókar eftirfarandi: Skipulags- og byggingarráð samþykkti á fundi 9. september 2008 að skipa starfshóp fulltrúa allra flokka í bæjarstjórn, auk fulltrúa Hvaleyrarskóla og foreldrafélags til að fara yfir og finna lausnir á umferðaröryggismálum við skólann vegna tengingar Suðurbrautar við Reykjanesbraut. Tilnefningar lágu fyrir í nóvember en starfshópurinn hefur ekki verið kallaður saman. Þetta er athyglisvert þar sem skipun hópsins var svar bæjaryfirvalda við mikilli gagnrýni íbúa sem fram kom í ágúst/september 2008. Gísli Ó. Valdimarsson gerir eftirfarandi bókun: Verkhönnun breikkun Reykjanesbrautar frá Kirkjugarði suður fyrir Krýsuvíkurveg mun ljúka í lok þessa árs samkvæmt áætlun. Byrjun verkhönnunar tafðist um nokkra mánuði í lok síðasta árs og byrjun þessa árs. Samhliða því hefur dregist að boða til fundar í starfshópnum.