Svar

Drög að áherslum og tímaramma lögð fram til kynningar.
Fulltrúi Samfylkingarinnar fagnar því að vinna við endurskoðun aðalskipulags Hafnarfjarðar sé að hefjast og að allir flokkar í bæjarstjórn eigi aðkomu að þeirri vinnu. Í aðalskipulagi er stefna sveitarfélagsins mörkuð til næstu ára um landnotkun, náttúruvernd og þróun byggðar í sveitarfélaginu. Mikilvægt er að í þessari vinnu náist breið samstaða og forsenda þess er gott samráð við íbúa og aðra hagsmunaaðila. Fulltrúi Samfylkingarinnar leggur til að í upphafi vinnunnar verði gerð áætlun um fundi og kynningar meðal íbúa.
Fulltrúar meirihlutans taka undir með mikilvægi aðkomu allra flokka að gerð aðalskipulagsgerðarinnar. Meirihluti skipulags- og byggingarráðs hefur lagt áherslu á að gott samráð og kynningar verði á skipulagsferlinu eins og fram kemur í drögum að áherslum og tímaramma skipulagsfulltrúa. Lögð er áhersla á kynningu og samráð um skipulagsgerðina við íbúa sveitarfélagsins og aðra hagsmunaaðila.