Óseyrarbraut ehf. sótti 12.3.2018 um leyfi til að breyta vélsmiðjunni í gistiheimili og geymsluhúsnæði samkvæmt teikningum Sigurðar Þorvarðarsonar dags. mars 2018. Afgreiðslufundur skipulags- og byggingarfulltrúa synjaði erindinu. Þann 03.07.2018 lagði Óseyrarbraut ehf fram erindi dags. 25.06.2018 ásamt fylgiskjölum, þar sem óskað var leyfis og samþykktar hafnarstjórnar á rekstri gistiheimilis/verbúða að Óseyrarbraut 3. Jafnframt var lögð fram til kynningar samantekt skipulagsfulltrúa vegna sama erindis dags. 29. maí sl. Hafnarstjórn gerði ekki athugasemdir við rekstur gistiheimils/verbúða að Óseyrarbraut 3 að uppfylltum settum skilyrðum. Hafnarstjórn vísaði málinu til frekari afgreiðslu hjá umhverfis- og skipulagsþjónustu.