Svar

Auk þess mætir Berglind Guðrún Bergþórsdóttir mannauðsstjóri Hafnarfjarðar til fundarins.

Bæjarráð fagnar niðurstöðum vinnustaðagreiningar sem gerð var á meðal starfsmanna Hafnarfjarðarbæjar í des. og jan. sl. Þar kemur fram að ánægja fólks í starfi og starfsandi á vinnustöðunum hefur aukist umtalsvert á milli ára.

Einnig fjölgar þeim sem eru stoltir af því að vinna hjá bænum og líður vel í vinnunni. Aukin ánægja er á milli ára með tæki og gögn á vinnustað, starfsmenn segjast í auknum mæli hvattir til að afla sér þjálfunar og fræðslu vegna starfs síns og vaxandi ánægja er með upplýsingaflæði á vinnustaðnum. Vinnustaðagreiningin er gagnleg til að gera enn betur í starfsumhverfi bæjarins í samráði við starfsfólk.